„რია ნოვოსტის“ ინფორმაციით, რუსეთის შინაგან საქმეთა სამინისტრომ,  მოსკოვის სხვადასხვა რაიონში 10 არალეგალური სათამაშო კლუბი აღმოაჩინა.

„ბიზნესის ორგანიზატორები საქართველოსა და უდმურტეთის მკვიდრები არიან, რომლებიც დისტანციურად აკონტროლებდნენ კლუბების საქმიანობას. ერთი დაწესებულებიდან არაკანონიერი შემოსავალი დღიურად 120 ათას რუბლს შეადგენდა,“ - ნათქვამია რუსეთის შსს-ს განცხადებაში.

სათამაშო კლუბების ყოველდღიური შემოსავალი 100 ათას რუსულ რუბლს აჭარბებდა.

ამასთანავე დაკავებულია მოსკოვის ბირიულოვოს რაიონის პოლიციის უფროსის მოადგილე, რომელიც  უკანონო სათამაშო ბიზნესის მფარველობაშია ეჭვიტანილი.