რუსეთის ფედერაციის პრეზიდენტის ვლადიმერ პუტინის განცხადებით, სოჭის ოლიმპიური თამაშების უსაფრთხოების დაცვა  რუსეთის მოვალეობას წარმოადგენს და ის ამ ვალდებულების განსახორციელებლად ყველაფერს გააკეთებს. მისივე თქმით, ტერორისტული აქტებისგან ოლიმპიადის მონაწილეთა და სტუმრების დაცვის მიზნით გამოსცა ბრძანება, რომელიც  ოლიმპიადის მიმდინარეობის დროს  საპროტესტო აქციების  მკაცრად გაკონტროლებას ითვალისწინებს.

„თუ ჩვენ თავს უფლებას მივცემთ სისუსტე გამოვიჩინოთ, ეს ნიშნავს იმას, რომ ტერორისტებს ხელი შევუწყოთ საკუთარი მიზნების მიღწევაში, მიმაჩნია, რომ საერთაშორისო საზოგადოება ყველა სფეროში, ჰუმანიტარულში, პოლიტიკურში, ეკონომიკურში უნდა აერთიანებდეს თავის ძალისხმევას ასეთი გამოვლინებების წინააღმდეგ“,- განაცხადა პუტინმა.