სააგენტო „ბლუმბერგის“ ცნობით, აზიის უმდიდრეს ადამიანთა რეიტინგში პირველი ადგილი ჰონგ-კონგელმა  ლუი ჩე ვუმ დაიკავა. ლუი ჩე ვუ კაზინოების ოპერატორი კომპანიის „გალაქსი  ენთერთაინმენთ გრუპ ელტიდის“ დამფუძნებელია. ჩე ვუს ეკუთვნის ასევე  კომპანია „გალაქსის“ აქციათა 65%. მისი ქონება 2013 წელს 29,6 მლრდ დოლარამდე გაიზარდა.

ამავე რეიტინგში მეორე ადგილს იკავებს ასევე ჰონგ-კონგელი უძრავი ქონების კომპანიის მფლობელი ლი კა-შინგი. იგი ინვესტიციებს ენერგატიკაში, სავაჭრო ქსელებსა და ფიჭური კავშირგაბმულობის კომპანიებში აბანდებს. მას პირველ ადგილზე გასული ჩე ვუ მხოლოდ 100 მილიონი დოლარით უსწრებს.