Tv 3 ში ცვლილებებია. დირექტორის პოსტიდან კახა ბაინდურაშვილი გადადგა და მის ადგილას ყოფილი პარლამენტარის ვან ბაიბურთის შვილი, გრიგოლ  ბაიბურთი დაინიშნა. შესაბამისი ცვლილება საჯარო რეესტრში უკვე განხორციელდა .”პრაიმერი“კომენტარისთვის კახა ბაინდურაშვილს დაუკავშირდა მან აღნიშნული ცვლილება დაადასტურა:

- დიდი საკომენტარო არაფერია ტელევიზია უკვე ფეხზე დადგა. ბიზნეს გეგმის პირველი ეტაპი წარმატებით განხორციელდა ამიტომ ჩემი თანამდებობაზე დარჩენის აუცილებლობა არ იყო,სხვა ბევრი საქმეც მაქვს.

-ადასტურებთ თუ არა ინფორმაციას თქვენს ადგილას  გრიგოლ  ბაიბურთის დანიშვნის შესახებ და იყო თუ არა ეს ტელევიზიის სამივე დამფუძნებლის, თქვენი, ლაშა ჩხენკელის და ლალი ეგაძის ერთობლივი გადაწყვეტილება?

- ცხადია,ეს იყო დამფუძნებლების ერთობლივი გადაწყვეტილება, შესაბამისი ცვლილება საჯარო რეესტრში უკვე განხორციელდა.

-იცით თუ არა რომ გრიგოლ  ბაიბურთი „ნაციონალური მოძრაობის „ზონდერი იყო და ის ხელმძღვანელობდა  გამომცემლობა „სამშობლოს“ შენობიდან გაზეთების გამოყრას?

-თქვენგან მესმის პირველად, ეს ინფორმაცია არ მაქვს და არა მგონია, რომ ეს სიმართლე იყოს.

-ბატონო კახა, ფოტო და ვიდეო მასალა არსებობს...

-არ მჯერა.

შეგახსენებთ, გამომცემლობა „სამშობლოდან“ მედიასაშუალებები 2007   წლის  10 აგვისტოს დილის 5 საათზე  გამოასახლეს, კახა ბაინდურაშვილი ამ დროს მთავრობის წევრი გახლდათ.