ანაკლიაში, ნათლისღების  დღესასწაულზე, წყლის კურთხევის ცერემონია  წელს პირველად გაიმართა. ზღვის სანაპიროზე მრევლი და სამღვდელოების წარმომადგენლები შეიკრიბნენ.

ზუგდიდისა და ცაიშის მიტროპოლიტმა მეუფე გერასიმემ აკურთხა წყალი, რის შემდეგაც  განბანვის რიტუალი ჩატარდა.

„ყველას გილოცავთ ნათლისღების ბრწყინვალე დღესასწაულს. დღეს, ზუგდიდისა და ცაიშის მიტროპოლიტის მეუფე გერასიმეს ლოცვა-კურთხევით ანაკლიაში იკურთხა ზღვა. ეს არის ძველი ტრადიცია. იკურთხება ყველა წყალი იორდანიის წყლის მსგავსად. ეს უდიდესი საიდუმლოა"_ განაცხადა დეკანოზმა მალხაზ ჭანტურიამ.

დაიგეგმა რომ, მომავალში ცერემონია ტრადიციულ სახეს მიიღებს.