ბაჩო ახალაიას ადვოკატის, გოგა ონიანის  განცახადებით, ბაჩო ახალაიას დაცვის მხარე, ე.წ. ციხის ბუნტის საქმეზე პროკურატურის ყველა მტკიცებულებას დასაშვებად ცნობს.
როგორც გოგა ონიანმა აღნიშნა, დაცვის მხარემ ბრალდების ყველა მტკიცებულება, რომელიც მოიცავს 12 ტომს, უდაოდ ცნო, სწორედ ეს მტკიცებულებები არის დასტური, რომ ციხეში ბუნტი კრიმინალების ორგანიზებით მოხდა. 
ბუნტის საქმეზე ბაჩო ახალიას საქმის არსებითი განხილვა დღეს დაიწყო, თუმცა პროცესის დაწყებიდან რამდენიმე წუთში გადაიდო და 9 სექტემბერს გაგრძელდება. ამის მიზეზი გახდა ის, რომ  მოსამართლე დავით მგელიაშვილი შვებულებაში იმყოფება.
არსებითი განხილვა ციხის ბუნტის საქმეზე 9 სექტემბერს,  12.00 საათისთვის არის ჩანიშნული.