რუსთავის #17 დაწესებულებაში მოშიმშილე მსჯავრდებული გიორგი ხურციძე, წუხელ, გვიან ღამით სკამზე სასქესო ორგანოთი დაეჭედა.
მსავრდებულის დის, ქრისტინე ხურციძის ინფორმაციით, წუხელ მას #17 დაწესებულებიდან სხვა მსჯავრდებულებმა დაურეკეს და უთხრეს, რომ გიორგი სკამზე სასქესო ორგანოთი დაეჭედა, რის გამოც საავადმყოფოში გადაიყვანეს. მისივე ინფორმაციით, გიორგი ხურციძე ციხის რესპუბლიკურ საავადმყოფოში გადაიყვანეს და მას სათანადო სამედიცინო დახმარებას უწევენ.
ამ დროისათვის #17 დაწესებულებასთან შეკრებილები არიან მოშიმშილე მსჯავრდებულების ოჯახის წევრები. ისინი დაწესებულებაში ადამიანის უფლებათა დაცვის კომიტეტის თავმჯდომარის, ეკა ბესელიას მისვლას ელოდებიან.
უკვე მეათე დღეა რაც მე-17 დაწესებულებაში 50-მდე მსჯავრდებული შიმშილობს, ისინი მოითხოვენ, რომ მათი განაჩენი გადახედილი იქნას, ზოგიერთი კი მათი საკითხის ე.წ. უდოს კომისიაზე განხილვას მოითხოვს. მოშიმშილე პატიმართაგან, ერთ-ერთის, ირაკლი შულაიას ჯანმრთელობის მდგომარეობა ორი დღის წინ დამძიმდა.
ირაკლი შულაიას, არსებული ინფორმაციით, სამედიცინო დახმარებას უწევენ და წვეთოვანი აქვს დადგმული.
