უკრაინაში ამ დროისათვის კვლავ დაძაბული ვითარებაა. დედაქალაქში მომიტინგეებსა და ბერკუტს შორის შეტაკებები მიმდინარეობს. მოსახლეობამ ავტომობილების დაწვა დაიწყო. არსებული ინფორმაციით, მომიტინგეები პოლიციის მისამართით ე.წ მოლოტოვის კოქტეილებსაც ისვრიან. დაშავებულია 24 მომიტინგე, 4 კი - დაკავებულია.

შეტაკებების შედეგად 20-ზე მეტი მილიციელიც დაშავდა.

სპეცდანიშნულების რაზმებს უკრაინის რადასა და მინისტრთა კაბინეტის შენობისკენ მიმავალი გზა გადაკეტილი აქვთ. უკრაინული მედიის ინფორმაციით, ევრომეიდანისკენ 25 ბერკუტის ავტობუსი მიემართება.

ექსპერტების შეფასებით მიმდინარე პროცესები სამოქალაქო ომის დასაწყისს მოასწავებს.