თეთრი სახლის უშიშროების საბჭოს წარმომადგენელი ქეთრინ ჰეიდენი კიევს კიდევ ერთხელ ახსენებს, რომ უკრაინის მიმართ სანქციების დაწესება თეთრ სახლში ისევ რჩება ერთ-ერთ განსახილველ საკითხად. ჰეიდენი მოუწოდებს უკრაინის ხელისუფლებას დედაქალაქში კარვების გაშლაზე ჯარიმის დაწესების თაობაზე მიღებული ანტიდემოკრატიული კანონის გაუქმებისკენ.
კიევის ცენტრში განვითარებული მოვლენები დაგმო დიდი ბრიტანეთის საგარეო საქმეთა მინისტრმა უილიამ ჰეიგმა.
უკრაინაში მიმდინარე მოვლენებს შვედეთის საგარეო საქმეთა მინისტრი კარლ ბილდტიც გამოეხმაურა. ის მიიჩნევს, რომ ქვეყანაში პოლიტიკური კრიზისი მხოლოდ მაშინ მოგვარდება, თუ რეპრესიები და მოქალაქეთა დევნა შეწყდება. შვედეთის საგარეო საქმეთა მინისტრი მიესალმება ოპოზიციასა და ხელისუფლებას შორის მოლაპარაკების დაწყების თაობაზე გაჟღერებულ ინიციატივას.
ევროკავშირის ელჩმა უკრაინაში იან ტომბინსკიმ კი, მომიტინგეებს სიმშვიდისკენ მოუწოდა.
