კიევში  აქციის მონაწილეებსა და სამართალდამცველებს  შორის მომხდარი დაპირისპირების დროს ჟურნალისტები დაშავდნენ. აღნიშნულ ინფორმაციას ჟურნალისტი, მიროსლავა ღონღაძე ავრცელებს. დაზარალებული ჟურნალისტები საავადამყოფოში მოათავსეს, რამოდენიმე მათგანს ოპერაცია დასჭირდა.

"ყველა მათგანი პრესისთვის სპეციალურად განკუთვნილ ნარინჯისფერ ჟილეტსა და ჩაფხუტში იყვნენ. მიუხედავად ამისა, ყველა მათგანი დაშავებულია ძალოვანების მხრიდან განხორციელებული შეტევის შედეგად. იქმნება შთაბეჭდილება, რომ შეტევა სპეციალურად მიიტანეს პრესის წარმომადგენლებზე", - აღნიშნავს თვითმხილველი ალექსეი ვლასოვი.