„ჩვენ ძალიან რთული ვითარება გვაქვს და ამიტომ, სამოქალაქო ომს არ გამოვრიცხავ“,- ეს განცხადება ოპოზიციონერმა ვიტალი კლიჩკომ  უკრაინის პრეზიდენტთან შეხვედრის შემდეგ გააკეთა. მისი თქმით, შეხვედრა ერთი ერთზე შედგა და იანუკოვიჩი უკრაინაში მიმდინარე მოვლენების საქმის კურსშია.

„უნდა გავაკეთოთ ყველაფერი იმისათვის, რომ სისხლისღვრა არ დავუშვათ. ვუთხარი, რომ აუცილებელია რეაგირება და არ უნდა იქნას მილიცია საკუთარი ხალხის წინააღმდეგ გამოყენებული. ერთადერთი რასაც იგი დამპირდა არის ის, რომ ხვალ შეიქმნება სპეციალური კომისია, რომელიც პრეზიდენტის ადმინისტრაციისა და ოპოზიციის წარმომადგენლებისგან დაკომპლექტდება“,-განაცხადა კლიჩკომ.