სამხრეთ ოსეთის ე.წ. პრეზიდენტმა, ლეონიდ თიბილოვმა ე.წ. მინისტრთან კაბინეტი სრულად დაითხოვა. ამის შესახებ ინფორმაციას რუსული მედია ავრცელებს.

მათივე ინფორმაციით, ეს გადაწყვეტილება თიბილოვმა  მინისტრთა კაბინეტის წევრებთან შეხვედრაზე გაახმაურა. მიზეზად თიბილოვმა მთავრობის მუშაობით უკმაყოფილება დაასახელა.

როგორც ე.წ. პრეზიდენტმა აღნიშნა, მთავრობამ ვერ შეძლო მის წინაშე დაკისრებული მოვალეობების შესრულება, რომელიც ძირითადად სოციალურ-ეკონომიკური მდგომარეობის გაუმჯობესებას ეხებოდა.

თიბილოვმა ე.წ. პრემიერ-მინისტრის მოვალეობის დროებით შემსრულებლად დომენტი კულუმბეგოვი დანიშნა, რომელიც აქამდე ე.წ. ვიცე-პრემიერის პოსტს იკავებდა.