კიევში „ბერკუტსა“ და მომიტინგეებს შორის არეულობის შედეგად ადგილზე მომუშავე 15 ჟურნალისტი დაშავდა. მათ შორის არიან "Вести.", Spilno.tv, "Радио Свобода", телеканала "1+1", "Голос Украины"-ს წარმომადგენლები.

ადგილობრივი მედიის ცნობით, დაშავებულებს შორის ერთ-ერთი უცხოელი ჟურნალისტია. მათივე ინფორმაციით, ყუმბარების აფეთქების შედეგად რუსული "ნოვაია გაზეტას" ფოტოკორესპონდენტი, ევგენი ფელდმანი დაშავდა, რომელსაც ცხვირის   მოტეხილობა აღენიშნება. ამავდროულად,  ინტერნეტ-ტელევიზიის "Спильнобачення" ოპერატორი დააკავეს, რომელსაც ბრალი მომიტინგეების ბენზინით მომარაგებაში ედება. რადიო “თავისუფლების“ დაკავებული ორი ჟურნალისტიდან სამართალდამცველებმა მხოლოდ ერთი მათგანი გაათავისუფლეს.