ქუთაისში ახალგაზრდა მამაკაცმა მერიის წინ თვითდაზიანება მიიყენა. მამაკაცი ნასვამ მდგომარეობაში იმყოფებოდა და ის სოციალური სამსახურის უფროსთან შეხვედრას ითხოვდა. თუმცა, უარის მიღების შემდეგ ბლაგვი საგნით სახე გადაისერა. 

ადგილზე გამოიძახეს სასწრაფო და საპატრულო პოლიცია. სასწრაფო დახმარების ექიმმა, ადგილზე მისვლის შემდეგ განაცხადა, რომ მამაკაცმა სამედიცინო დახმარებაზე უარი განაცხადა და ექიმები არ მიიკარა.

„ჭრილობა ჰქონდა მიყენებული კისრის და სახის არეში“, - განაცხადა სასწრაფოს ექიმმა დარეჯან ქართველიშვილმა.

ახალგაზრდა მამაკაცმა რამდენიმე წუთში მიმდებარე ტერიტორია დატოვა.