ადამიანის უფლებათა დაცვის საპარლამენტო კომიტეტის თავმჯდომარესთან და სახალხო დამცველთა შერხვედრის შემდეგ,  ქსნის სასჯელაღსრულების დაწესებულებაში პატიმრებმა შიმშილობა შეწყვიტეს. როგორც შეხვედრის შემდეგ ეკა ბესელიამ განაცხადა ვადაზე ადრე გათავისუფლების კომისია ყველა იმ პირის საქმეს გადახედავს, რომელიც ფიქრობს, რომ გადაწყვეტილება სამართლიანი არ იყო. „მოსამართლეებს მინდა მივმართო და პატიმრების  თხოვნა გავახმოვანო, ყველა ინდივიდუალურ შემთხვევას, როდესაც საქმე ეხება სასჯელთა შეკრების წესის გაუქმების შემდეგ განაჩენის გადახედვას , ანუ სასჯელის შეცვლას, მათ უნდა გადახედონ არა მკაცრი სისხლის სამართლის პოლიტიკის პრინციპით არამედ  ჰუმანურობის, სამართლიანობის პრიონციპით"-განაცხადა ეკა ბესელიამ.