შემოსავლების სამსახურის ცნობით "სადახლოს" საბაჟო-გამშვებ პუნქტზე ოქროს არადეკლარირებული ნივთები აღმოაჩინეს. 68,93 გრამი ძვირფასეულობა საქართველოში სომხეთიდან რუსეთის მოქალაქეს შემოჰქონდა. "შემოწმებისას მოქალაქეს ხელჩანთაში ოქროს ნივთები: სამაჯური - 2ცალი, ძეწკვი -2 ცალი, გულსაკიდი - 1 ცალი, ბეჭედი - 3 ცალი, ბეჭედი ბრილიანტის თვლებით -3 ცალი, სამეული ბრილიანტის თვლებით - 1 ცალი, საერთო წონით - 68,93 გრამი აღმოაჩნდა", - აცხადებენ უწყებაში. მათივე ინფორმაციით, შემოსავლების სამსახურის საბაჟო დეპარტამენტის დასკვნის თანახმად, აღნიშნული ნაკეთობების სატარიფო ღირებულება განისაზღვრა 5016,86 ლარით, შესაბამისად, საგადასახადო კოდექსის 289-ე მუხლის მე-10 ნაწილის საფუძველზე პირს დაეკისრა ჯარიმა - 5016,86 ლარის ოდენობით.