გაზეთი „ბათუმელები" 21 წლის ბათუმელ მარი იორდანაშვილითან ინტერვიუს აქვეყნებს, რომელსაც ძალიან ამსგავსებენ ამერიკელ მსახიობ ანჯელინა ჯოლის. მსგავსება ერთი შეხედვითაც ჩანს. თუმცა, როგორც გამოცემა წერს, მარის არ მოსწონს, ანჯელინა ჯოლის რომ ადარებენ: „შევეჩვიე ამ შედარებას, ქუჩაშიც მესმის ხოლმე - როგორ ჰგავს ანჯელინას. მსგავსება შეიძლება მართლაც გვაქვს, მაგრამ მე ვერ ვამჩნევ, არ მომწონს, რომ ჯოლის მადარებენ, ჯობია, არავის ჰგავდე და შენ შენ იყო".

რამდენიმე თვეა რაც კოლეჯი დაამთავრა. პროფესიით ოფისის მენეჯერია. ჯერჯერობით არ მუშაობს, სხვა გეგმები აქვს. რამდენჯერმე ჰქონდა ქართულ ფილმში გადაღების შემოთავაზება, თუმცა უარი უთხრა. გადაწყვეტილი აქვს, ცეკვას დაუბრუნდეს.  

„არ შემიძლია ცეკვის გარეშე, მოყვარულის დონეზე მხიბლავდა ყოველთვის, მომავალშიც ასე იქნება. ჩვეულებრივი გოგო ვარ, სხვებს ჰგონიათ, რომ ამაყი ვარ, ამ დროს ძალიან უბრალო, მეგობრული და მშვიდი ვარ. არ მიყვარს კლუბური ცხოვრება. სიმშვიდე მიყვარს, ბუნებაში ყოფნა. ვერ ვიტან ხმაურს და გადაღლას. ჯანსაღი ცხოვრება მომწონს. სახლში წიგნის კითხვა მირჩევნია.

არ ვთვლი, რომ რაიმეთი განსაკუთრებული ვარ. ჩემი გული დაკავებულია. 21 წლის ასაკში შემიყვარდა პირველად, ბედნიერი ვარ, რომ ეს ადამიანი გამოჩნდა ჩემს ცხოვრებაში. საზღვარგარეთ ცხოვრობს და ჩემს გასაცნობად ჩამოვიდა ბათუმში. ერთადერთი, რაზეც მწყდება გული, ის არის, რომ საზღვარგარეთ მომიწევს ცხოვრება, ბათუმის დატოვება არ მინდა, თუმცა სადაც არ უნდა ვიყო, მასთან ერთად ყველგან ბედნიერად ვგრძნობ თავს. 21 წელი ვეძებდი მას. უახლოეს მომავალში ერთად ყოფნას ვგეგმავთ", - აცხადებს იორდანაშვილი.

(მოამზადა ლილუ მიროტაძემ)