ტიბეტელი ხალხის პოლიტიკური და ტიბეტური ბუდიზმის მიმდევრების სულიერი ლიდერი დალაი ლამა მარიხუანას დეკრიმინალიზაციასთან დაკავშირებულ დისკუსიას შეუერთდა. დალაი ლამამ მექსიკაში, საზოგადოების წინაშე განაცხადა, რომ მხარს უჭერს სამედიცინო მიზნებით მარიხუანას მოხმარებას. ინფორმაციას ამის შესახებ ინფორმაციას „The Independent" აქვეყნებს.

ტიბეტის სულიერი ლიდერის განცხადებით, სამედიცინო საჭიროებით მარიხუანას მოწევა გამონაკლისის სახით დაშვებული უნდა იყოს. თუმცა ის განმარტავს, რომ მხარს არ უჭერს მარიხუანას გართობის მიზნით გამოყენებას. ტიბეტის სულიერმა ლიდერმა ამ საკითხზე მას შემდეგ ისაუბრა, რაც ერთ-ერთმა დამსწრემ მარიხუანას ლეგალიზაციასთან დაკავშირებით დალაი ლამას მისი პოზიციის შესახებ ჰკითხა.

დალაი ლამას ხშირად „მის უწმინდესობას" უწოდებენ. ტიბეტელები დალაი-ლამას ეპითეტებით უხმობენ: იშინ ნორბუ, ანუ „სურვილების ამსრულებელი მჭედელი". „ლამა" მასწავლებელს აღნიშნავს და ტიბეტურ-ბუდისტური რელიგიის მესვეურთა მიერ სხვადასხვა წარმომადგენელს ეძლევა.

დალაი ლამა, მოძღვრად საკუთარი, თავისუფალი ნებით აირჩევა, რათა კვლავშობილმა ისევ შეძლოს კაცობრიობისთვის ცოდნის მიწოდება.

(მოამზადა ლილუ მიროტაძემ)