დღეს, 18:00 საათზე საქართველოს ეროვნული მუზეუმის თბილისის ისტორიის მუზეუმი აპოლონ ქუთათელაძის სახელობის სახელმწიფო სამხატვრო აკადემიის რექტორის თინათინ კლდიაშვილის ნამუშევრების გამოფენას წარმოადგენს. მისი სახელწოდებაა „ელეგია“.

ექსპოზიციაზე წარმოდგენილი იქნება თექასა და ბატიკაში შესრულებული ნამუშევრები, რომელიც ერთი მხატვრული კონცეფციითაა გაერთიანებული. ელეგია, როგორც მხატვრული ლირიკული ფორმა, რომანტიული სევდის, სინანულის სინონიმად იქცა. თინა კლდიაშვილის პროექტი სწორედ ამ კონცეფციის შესატყვისია.