1990-იანი წლების დასაწყისში, სიცილიური მაფია პიზის კოშკის აფეთქებას გეგმავდა. ამის შესახებ ინფორმაციას სააგენტო „ლენტა რუ“ აქვეყნებს.

Adnkronos International-ის განცხადებით, აღნიშნული ინფორმაცია სამართალდამცველებს იტალიის ერთ-ერთმა ყოფილმა განგსტერმა მიაწოდა.

ჯოაკინ ბარბერას (Gioacchino La Barbera)  განცხადებით, განგსტერული დაჯგუფება „კოზა ნოსტრა“ 1992 წელს პიზის კოშკზე ტერაქტს გეგმავდა.

„წარმოიდგინე, ერთ დღეს გაიღვიძებ და პიზის კოშკი აღარ იარსებებს“, - ჯოაკინის განცხადებით ტერაქტის განხორციელება მის ყოფილ გარდაცვლილ „ბოსს“  ნინო ჯოეს უნდოდა.

მაფიოზები თვლიდნენ, რომ კოშკის აფეთქება ხელისუფლებას დიდ დარტყმას მიაყენებდა და განგსტერებთან დათმობებზე წავიდოდა.

ლა ბარბერა  ერთ-ერთი რეზონანსული საქმის თანამონაწილეა. იტალიერი სამართალდამცველები დიდი ხანია  „კოზა ნოსტრასა“ და იტალიის პოლიტიკოსების თანამშრომლბის საქმეს იკვლევენ. სასამართლო ქალაქ პალერმოში მიმდინარეობს.

იტალიის რამდენიმე ყოფილ მაღალჩინოსანს ბრალად სიცილურ მაფიასთან თანამშრომლბა ედება.

(მოამზადა თეონა რამაზაშვილმა)