უკრაინაში პოლიტიკური დაძაბულობის ზრდის გამო, ხელისუფლების გადაწყვეტილებით, ქვეყნის ყველა ატომურ ელექტროსადგურზე დაცვა გამკაცრდა. ინფორმაცია უკრაინის მედიასაშუალებებმა  ენერგეტიკის მინისტრ ედუარდ სტავიცკის განცხადების საფუძველზე გაავრცელეს.

აღნიშნული გადაწყვეტილება მთავრობამ ატომური ელექტროსადგურების ხელში ჩაგდების თავიდან ასაცილებლად მიიღო. სტავიცკის თქმით, პროფკავშირთან მიმდინარეობს შესაბამისი სამუშაოები, რათა სადგურებმა ხარვეზების გარეშე იმუშაოს. მინისტრის განცხადებით, ატომური ელექტროსადგურები წარმოადგენს სარეჟიმო ობიექტებს, რომელთა თანამშრომლებს გაფიცვის უფლება არ გააჩნიათ.