„ჩვენი შეცდომა, რაც სწრაფად უნდა გამოვასწოროთ, არის ახალი ხელისუფლების წევრების მხრიდან ზედმეტი დროისა და ენერგიის ხარჯვა და აქცენტების კეთება წარსულზე. ინვესტორებს უნდა დავანახოთ ჩვენი საქმითა და სიტყვით, რომ მომავალზე ვფიქრობთ."- განაცხადა დავით უსუფაშვილმა გადაცემაში „მთავარი კითხვა".
პარლამენტის თავმჯდომარეს არ სურს, რომ ახალმა მთავარობამ წინა ხელისუფლების კრიტიკას „გადააყოლოს დრო". როგორც უსუფაშვილმა აღნიშნა, თანაპარტიელების მხრიდან ხშირად იმსახურებს კრიტიკას, რადგან ასეთ პოლიტიკურ მიდგომას არ იზიარებს.
„მე არ მინდა, რომ მიხეილ სააკაშვილზე ლაპარაკს გადავაყოლოთ შემდეგი ცხრა თვე. ამ თვეების განმავლობაში, კეთილი უნდა ვინებოთ, ან გამოვიძიოთ რაც გამოსაძებელია, ან გავჩერდეთ და ცხოვრება გავაგრძელოთ. ადამიანები თუ მუდმივი დაძაბულობის ქვეშ იქნებიან სამართლიანობას ვერასოდეს აღვადგენთ."- აცხადებს დავით უსუფაშვილი.
