„სრული გარანტია არსებობს იმისა, რომ მიმდინარე წლის განმავლობაში სახელმწიფოს მხრიდან არცერთი ვალდებულება არ დარჩება შეუსრულებელი. ეს არის ხელფასები, პენსიები, სოციალური პაკეტები, დაზღვევის სიტემა, რომელმაც ახლა დაიწყო მუშაობა და უფასო სახელმძღვანელოების პროგრამა. ასევე სოფლის მეორნეობის პროექტების უდიდესი ნაწილი, რომელიც ინფრასტრუქტურული პროექტების განხორციელების პროცესშია - ეს ყველაფერი შესრულდება." -აცხადებს პარლამენტის თავმჯდომარე.
მისი თქმით, მიმდინარე ერთი წელი ეკონომიკურად მძიმე იქნება, რადგან წინა ხელისუფლების პოლიტიკამ ახალ მთავარობას პრობლემები შეუქმნა.
„მეორე წლიდან სერიოზულ წინსვლას ვიგრძნობთ. მესამე და მეოთხე წლის განმავლობაში კი დავინახავთ რა მოხდება ქვეყანაში და რატომ ღირდა მძიმე წლების გავლა."- განაცხადა უსუფაშვილმა.
პარლამენტის თავმჯდომარე დღევანდელ ეკონომიკურ მაჩვენებლებში შეშფოთებისა და განგაშის საფუძველს ვერ ხედავს და აცხადებს, რომ ის მყარი დაპირებები, რომელიც მთავრობამ ხალხს მისცა, აუცილებლად ასრულდება და მომავალი ექვსი თვე ეკონომიკური თვალსაზრისით განსხვავებული იქნება.
