რუსეთის საგარეო საქმეთა მინისტრმა ადგილობრივ მედიასთან ინტერვიუში განაცხადა, რომ უკრაინის მოვლენები მან აშშ-ის სახელმწიფო მდივან ჯონ კერისთან განიხილა. მისივე თქმით, აღნიშნული თემა ევროპელ დიპლომატ კეტრინ ეშტონსა და იტალიის საგარეო საქმეთა მინისტრთანაც განიხილა.

„მე ვუთხარი ჯონ კერის, რომ ახლა ძალიან მნიშვნელოვანია, უკრანაიში გარედან ჩარევა არ მოხდეს და თავიდან ავიშოროთ ისეთი განცხადებები, რომელიც სიტუაციას მხოლოდ დაძაბავს. ვიმედოვნებ, მან მომისმინა. ძალიან მნიშვნელოვანია, რომ გარედან რაიმე სახის მოწოდებები არ ისმოდეს, რათა ოპოზიციამ და განსაკუთრებით შეიარაღებულმა „ბოევიკებმა" არ აღიქვან როგორც წახალისება", - აღნიშნა ლავროვმა.