ადამიანის უფლებათა ცენტრის ინფორმაციით, გორის მუნიციპალიტეტის გამგებელმა და საკრებულოს თავმჯდომარემ დეკემბერში პრემია ორჯერ აიღეს. ორგანიზაციის მიერ გასაჯაროებული დოკუმენტაციის თანახმად, გორის მუნიციპალიტეტის გამგებლმა პაპუნა კობერიძემ, საკრებულოს თავმდჯომარის დავით რაზმაძის მსგავსად, 2013 წლის დეკემბერში პრემია ორჯერ აიღო. შედეგად გორის მუნიციპალიტეტის გამგებელმა წლის ბოლოს, დეკემბერში ხელფასისა და პრემიის სახით 6 325 ლარი, ხოლო საკრებულოს თავმდჯომარემ 6 625 ლარი მიიღო.

როგორც საკრებულოს თავმჯდომარე აღნიშნა, პრემიები ბიუჯეტით გათვალისწინებული პროექტების წარმატებით განხორციელებას უკავშირდება.

„ჩვენ, მე და პაპუნამ მთელი წლის განმავლობაში საკუთარ თავს არ მივეცით პრემიების აღების უფლება, თუმცა წლის ბოლოს, მას შემდეგ, რაც ყველა დაგეგმილი პროექტის განხორციელება დაიწყო, ჩვენ გადავწყვიტეთ, რომ თავადაც აგვეღო პრემიები", - აცხადებს საკრებულოს თავმჯდომარე დავით რაზმაძე.