უკრაინის იუსტიციის მინისტრის ელენა ლუკაშის განცხადებით, ვიქტორ იანუკოვიჩმა ვიტალი კლიჩკოს ვიცე-პრემიერის თანამდებობა შესთავაზა. ეს გადაწყვეტილება იანუკოვიჩსა და ოპოზიციის ლიდერებს შორის გამართულ შეხვედრაზე იქნა მიღებული.

ასევე  ცნობილი გახდა, რომ იანუკოვიჩმა პრემიერ-მინისტრის თანამდებობა ოპოზიციის ერთ-ერთ ლიდერს, პატიმრობაში მყოფი ექსპრემიერის, იულია ტიმოშენკოს თანაპარტიელ არსენი იაცენიუკს შესთავაზა.

 ვიქტორ იანუკოვიჩის ადმინისტრაციაში გამართულ შეხვედრაში მონაწილეობას "ბატკივშინას" ლიდერი არსენი იაცენიუკი, პარტია "უდარის" ლიდერი ვიტალი კლიჩკო, უკრაინის იუსტიციის მინისტრი ელენა ლუკაში, სამუშაო ჯგუფის ხელმძღვანელი ანდრეი კლიუევი, პრეზიდენტის ადმინისტრაციის უფროსი და ფრაქცია "თავისუფლების" ლიდერი ოლეგ ტიაგნიბოკი იღებდნენ.