NDI-ს კვლევის თანახმად, დავით ბაქრაძე ყველაზე პოპულარული ოპოზიციური ლიდერია. მისი მოწონების მაჩვენებელი 48%-ია. შემდეგ ადგილები ასე განაწილდა: 38% სალომე ზურაბიშვილს, 32% გიორგი თარგამაძეს, 28% კახა კუკავას, 25% გიგი უგულავას, 23% პრეზიდენტ მიხეილ სააკაშვილს.  საზოგადოების სიმპათიის 21%-ით სარგებლობს ნინო ბურჯანაძე, 20%-ით გიორგი ბარამიძე, 17%-ით ვანო მერაბიშვილი, 13%-ით პავლე კუბლაშვილი, 12%-ით გოკა გაბაშვილი, 11%-ით კი ზურაბ ჯაფარიძე. რაც შეეხება დეპუტატებს, პარლამენტის წევრებს შორის მოწონების მაჩვენებლით ეკა ბესელია ლიდერობს, მას 52% აქვს, თინა ხიდაშელი გამოკითხულთა 51% მოსწონს, შემდეგ ადგილებზე შესაბამისად 46, 42 და 41%-ით მოდიან დეპუტატები ზვიად ძიძიგური, კობა დავითაშვილი და მანანა კობახიძე. კვლევა 12 ივნისს დაიწყო და 26 ივნისს დასრულდა.  გამოკითხვაში მონაწილეობა საქართველოს მასშტაბით 2 338-მა ადამიანმა მიიღო.