ზესტაფონში გახსნილი თანამედროვე სავაჭრო ცენტრი 70-პროცენტიანი დატვირთვით მუშაობს. ამის შესახებ commerant.ge-ს ცენტრის დირექტორმა გოჩა გიორგაძემ განუცხადა. მისი თქმით, ზესტაფონში ახალი, თანამედროვე სავაჭრო ცენტრი 2013 წლის 12 დეკემბრეს გაიხსნა და პროექტი დაახლოებით 12 მილიონი ლარი დაჯდა.
გიორგაძის თქმით, ცენტრმა გამართლა, რადგან მოსახლეობის მხრიდან დიდი ინტერესი გამოიწვია. 9 ჰექტარ ტერიტორიაზე განთავსებული ობიექტი ყველა თანამედროვე მოთხოვნას აკმაყოფილებს. ცენტრის შემადგენლობაში შედის ავტოსადგომიც. როგორც გიორგაძე აცხადებს, 1 ადგილის 1 დღით დაქირავება 1.50 ლარი ღირს.
მისივე განცხადებით, წლის განმავლობაში დაგეგმილია ზესტაფონში კიდევ რამდენიმე მსგავსი ტიპის პროექტის განხორციელება. სხვა დეტალებს გიორგაძე არ ასახელებს.
(მოამზადა ლილუ მიროტაძემ)
