ადგილობრივების თქმით, 2009 წელს დამწვარი შენობა ამორტიზირებულ მდგომარეობაშია და ყოველდღიურად სამშენებლო მასალები ცვივა.

„ხან ჩამონგრეული აგური ვარდება ძირს, ხან დამწვარი კარ-ფანჯარა. ეს არის ქალაქის ცენტრალური მოედანი და ნუთუ, ადგილობრივ ხელისუფლებას არ აინტერესებს, როგორი იქნება ქუთაისის ცენტრის იერსახე. ამ შენობის წინ სკოლაა, გვერდით ოპერის თეატრი, ხალხი მიდის-მოდის და დადგება ერთი დღეც, რომელიმე ქუთაისელს შეიწირავს შენობიდან გადმოვარდნილი აგური“, - აცხადებენ ადგილობრივები.

ქუთაისის თვითმმართველობაში განაცხადეს , რომ შენობა ეკონომიკის სამინისტროს ბალანსზეა და მისი მოვლა-პატრონობა ან გასხვისება მათი პრეროგატივა არ არის.