„გაჩნდა შანსი იმისა, რომ კომაში მყოფი მიხაილ შუმახერი მდგომარეობიდან გამოვიდეს", - ამის შესახებ ფრანგული გაზეთი Le Journal du Dimanche საკუთარ წყაროზე დაყრდნობით  წერს.

წყაროს ინფორმაციით, პაციენტის დაკარგული რამდენიმე ფუნქციის აღდგენის პროცესი იკვეთება, თუმცა რომელ ფუნქციებზეა საუბარი, არ აკონკრეტებენ. საავადმყოფოს მხრიდან კომენტარი აქამდე არ კეთდება.

"ფორმულა 1"-ს მრბოლელი და შვიდგზის მსოფლიო ჩემპიონი 29 დეკემბერს მძიმედ დაშავდა საფრანგეთის ალპებში, როდესაც თხილამურებით სრიალის დროს თოვლის ქვეშ ქვებზე დავარდა. მას სასწრაფო ოპერაცია საავადმყოფოში მიყვანისთანავე გაუკეთეს. განმეორებითი ოპერაციის შემდეგაც მისი მდგომარეობა არ გაუმჯობესებულა და ამ დრომდე კომაში იმყოფება.

(მოამზადა ალა გრიგალაშვილმა)