საქართველოს პარლამენტის ეროვნული ბიბლიოთეკის აუდიტორიაში არქიტექტურის დოქტორმა, ქეთევან სალუქვაძემ საჯარო ლექცია სახელწოდებით "მიკროკლიმატის პრობლემები და გამწვანების როლი ინტერიერში" წაიკითხა.

"ეს იყო ინფორმაციული ტიპის საუბარი, რომლის მიზანია მსმენელს გააცნოს თანამედროვე ინტერიერში გამოყენებული ხელოვნური მოსაპირკეთებელი მასალების შედეგები და ბუნებრივი გამწვანების გამოყენებით, მისი მრავალმხრივი მახასიათებლების გათვალისწინებით, წარმოადგინოს კვლევებზე დაფუძნებული რეკომენდაციები და წინადადებები", - აცხადებს ქეთევან სალუქვაძე.