უმრავლესობის წევრის ლევან ბერძენიშვილის განცხადებით ბაჩო ახალიას მიმართ საქალაქო სასამართლოს მიერ მიღებული გადაწყვეტილება ადასტურებს იმ ფაქტს, რომ სასამართლო პროკურატურისგან და აღმასრულებერლი ხელისუფლებისგან თავისუფალია.
„ვერ გეტყვით მოსამართლის გადაწყვეტილება სამართლიანი იყო თუ არა, მაგრამ ამ ფაქტმა აჩვენა, ის რაც არც საბჭოთა კავშირის პერიოდში, არც ედუარდ შევარდნაძის და არც მიხეილ სააკაშვილის მმართველობის პერიოდში ყოფილა -სასამართლო ხელისუფლებისგან თავისუფალია. არსებობს ლათინური გამონათქვამი „ოღონდ იყოს სამართლიანობა და თუნდაც მსოფლიო დაინგრეს".ეს უფრო მთავარია ვიდრე ის თუ როგორ გამოიყურება ჩემი აზრით ბაჩო ახალაია, თუმცა ის როგორც დამნაშავე ისე გამოიყურება" -განუცხადა ლევან ბერძენიშვილმა „რეპორტიორს".
მისივე განმარტებით სასამართლოს გადაწყვეტილებამ გააქარწყლა პოლიტიკურ დევნასთან დაკავშირებით ის ბრალდებები რომელიც „ნაციონალური მოძრაობის" წევრების მხრიდან ისმოდა.
„არ უნდა დაგვავიწყდეს, რომ პროცესი გრძელდება, სასამართლომ კიდევ ორ ეპიზოდთან დაკავშირებით უნდა იმსჯელოს .მე არ მგონია, რომ ბაჩო ახალიას სხვა ბრალდებებიც მოეხსება"-აცხადებს ბერძენიშვილი.
