საქართველოს ფინანსთა მინისტრი, ნოდარ ხადური ევროპის რეკონსტრუქციისა და განვითარების ბანკის კავკასიის მიმართულების დირექტორს, ბრუნო ბალვანერას შეხვდა. სამინისტროში გამართულ შეხვედრაზე, ნოდარ ხადურმა და ბრუნო ბალვანერამ ჩვენს ქვეყანაში ევროპის რეკონსტრუქციისა და განვითარების ბანკის დაფინანსებით მიმდინარე და დაგეგმილი პროექტების მნიშვნელობაზე ისაუბრეს. საქართველოს ფინანსთა სამინისტრო დეტალურად გააცნობს ევროპის რეკონსტრუქციისა და განვითარების ბანკის წარმომადგენლობას ქვეყნის განვითარების სტრატეგიული დოკუმენტის პროექტის არსს და EBRD თავისმხრივ აქტიურად ჩაერთვება დოკუმენტის საბოლოო ვარიანტის ჩამოყალიბების პროცესში. შეხვედრის ერთ-ერთი მთავარი თემა 2015 წელს EBRD-ის მმართველთა საბჭოს ყოველწლიური შეხვედრის საქართველოში შესაძლო ჩატარება იყო. 2013 წლის მაისში, ქ. სტამბულში გამართულ EBRD-ის წლიურ შეხვედრაზე, სადაც 2015 წელს მმართველთა საბჭოს ყოველწლიური შეხვედრის ჩატარების ადგილს განიხილავდნენ, ერთ-ერთ კანდიდატად სწორედ საქართველო დასახელდა.
