„უკრაინის პრეზიდენტთან ვიქტორ იანუკოვიჩთან დაიწყო ოპოზიციის ლიდერების მოლაპარაკება ქვეყანაში პოლიტიკური კრიზისის დარეგულირებასთან დაკავშირებით", - ამის შესახებ ინფორმაციას უკრაინის პრეზიდენტის პრესსამსახური ავრცელებს.

განცხადებაში აღნიშნულია, რომ შეხვედრაში მონაწილეობას იღებენ პრეზიდენტის ადმინისტრაციის ხელმძღვანელის პირველი მოადგილე ანდრეი პორტნოვი, იუსტიციის მინისტრი ელენა ლუკაში, ფრაქცია „უდარის" ლიდერი ვიტალი კლიჩკო, ფრაქცია „ბატკივშინას" ხელმძღვანელი არსენ იაცენუკი და ფრაქცია „თავისუფლების" ლიდერი ოლეგ ტიაგნიბოკი.

(მოამზადა თეო ტაბატაძემ)