ხელვაჩაურის მუნიციპალიტეტეის სოფელ სატეხიაში მაშველებმა და მეხანძრეებმა ცეცხლის ლოკალიზება დილის 4 საათზე შეძლეს. ხანძარი 3 ჰექტარ ტერიტორიაზე გაჩნდა და ჩაის პლანტაციებსა და ტყის მასივს მოედო.
აჭარის საგანგებო და გადაუდებელი სიტუაციების მართვის სააგენტოს უფროსის მოვალეობის შემსრულებლის მამუკა თურმანიძის განცხადებით, ხანძრის გაჩენა შესაძლოა დივერსიულმა აქტმა გამოიწვია. მისივე თქმით, ამ ფაქტზე გამოძიება უკვე დაწყებულია.
"სამაშველო სამსახურის მორიგე ჯგუფები, სახანძრო სამსახური და შსს სამაშველო სამსახურმა ნიჩბებით ჩააქრეს ხანძარი. შეშის დამზადების პროცესი დასრულებულია, სასოფლო-სამეურნეო სამუშაოები ჯერ არ დაწყებულა, ამიტომ, შესაძლოა, გამიზნულ ქმედებებთან და დივერსიასთან გვქონდეს საქმე“, - აღნიშნა მამუკა თურმანიძემ.
მისივე განცხადებით, ხანძრის დასახლებულ პუნქტებამდე გავრცელების საშიშროება იყო, თუმცა სამაშველო ჯგუფების დროული რეაგირების შედეგად, საფრთხის თავიდან არიდება მოხდა.
