აშშ-ს ვიცე პრეზიდენტი ჯოზეფ ბაიდენი უკრაინის პრეზიდენტ ვიქტორ იანუკოვიჩს მოუწოდებს, უარი თქვას ქვეყანაში საგანგებო მდგომარეობის შემოღებაზე, რადგან ეს კიდევ უფრო გაამწვავებს სიტუაციას.

აშშ-ის ვიცე პრეზიდენტმა უკრაინის პირველ პირს სატელეფონო საუბრისას ასევე მოუწოდა, გაიყვანოს კიევის ქუჩებიდან სპეცდანიშნულების რაზმი და გასცეს პასუხი უკრაინელი ხალხის უკმაყოფილებას.

აშშ-ს ვიცე პრეზიდენტის განცხადებით, დაუშვებელია დროის დაკარგვა უკრაინის ხელისუფლებასა და დემონსტრანტებს შორის დაპირისპირების მშვიდობიანი გზით მოგვარების საკითხში.

 
ამასთან, აშშ არ გამორიცხავს უკრაინის წინააღმდეგ სანქციების დაწესებას, ძალადობის გაგრძელების შემთხვევაში.