150 დაკავებული და 19 დაშავებული, - ამ შედეგით დასრულდა გუშინ ანტისამთავრობო მანიფესტაცია „რისხვის დღე“ პარიზში. ულტრამემარჯვენე აქტივისტები, რომლებსაც სახე ნიღბებით ჰქონდათ დაფარული, სამართალდამცველების მისამართით ქვებს, ბოთლებსა და სხვა საგნებს ისვროდნენ.

ანტისამთავრობო გამოსვლები 50 რადიკალურად განწყობილი ორგანიზაციის ინიციატივით გაიმართა და მასში მონაწილეობას დაახლოებით 17 000 ადამიანი იღებდა.

აქციის მონაწილეები პრეზიდენტისა და მთავრობის გადაყენებას და ერთსქესიანთა ქორწინების ლეგალიზების შესახებ მიღებული კანონის გაუქმებას მოითხოვდნენ.