პრეზიდენტი გენერალ გიგი კალანადაძეს საპრეზიდენტო სასახლეში ხვდება. „მინდა მოგილოცოთ დრევანდელი სასამართლოს გადაწყვეტილება, მოგილოცოთ გამართლება, საერთოდ ეჭვი არ მეპარებოდა თავიდანვე რომ სრულიად უდანაშაულო იყავით. მე ამის შესახებ გესაუბრეთ ცხრა თვის წინათ, როდესაც აქ ვისხედით, ოღონდ სამწუხაროა, რომ ცხრა თვე, თქვენისთანა საქართველოს პატრიოტი დაის ადამიანებიც რომელიც დღეს გაამართლეს, დროს უნდა ხარჯავდეთ ფუჭად, როდესაც საქართველოს არ ჰყავს დასაკარგი კადრი, არც ერთი დასაკარგი ოფიცერი და პატრიოტი. მე ძალიან კარგად მახსოვს თქვენი მოქმედება მთელი ამ წლების განმავლობაში, მე კარგად მახსოვს 2008 წელს ცხინვალში დაიჭერით და გამოხვედით და უკან შებრუნდით ბრძოლაში, ძალიან უიმედო სიტუაციაში. მე კარგად მახსოვს ის გმირობები, რომელიც მაშინ ბევრმა ოფიცერმა და მათ შორის თქვენც  ჩაიდინეთ გმირობა"- განაცხადა პრეზიდენმტა. შეგახსენებთ, რომ  თავდაცვის მინისტრობის პერიოდზე ბაჩო ახალაია სასამართლომ უდანაშაულოდ ცნო და აღმკვეთი ღონისძიება პატიმრობა გააუქმა. საქართველოს თავდაცვის ყოფილ მინისტრს ბაჩო ახალაიასა და მასთან ერთად ბრალდებულების ,სამხედროების მიმართ არაადამიანური მოპყრობისა და ზვიად აბესაძისთვის თავისუფლების უკანონო აღკვეთის საქმეზე გადაწყვეტილება მოსამართლემ დღეს გამოაცხადა. ახალაიასთან ერთად, ამ საქმეზე ბრალდებული იყო კიდევ 7 პირი, მათ შორის გაერთიანებული შტაბის ყოფილი უფროსი გიგი კალანდაძე, მე-4 ქვეითი ბრიგადის ყოფილი ხელმძღვანელი ზურაბ შამათავა, სად-ის წარმომადგენელი გაგა მკურნალიძე, სერჟანტი ალექსანდრე გორდაძე, მერაბ კიკაბიძე, მანუჩარ დარასელია და გიორგი კინწურაშვილი.