რამაზ საყვარელიძის განცხადებით, ბაჩო ახალაიას გათავისუფლება  დიდ დაღს დაასვამს ქართული ოცნების რეიტინგს. „ადამიანი, რომელზეც მთელი საქართველო ლაპარაკობდა, რომ ხელისუფლებაში ყოფნის პერიოდში ის დანაშაულებებს სჩადიოდა, დღეს მასზე გამამართლებელი განაჩენია გამოტანილი. აქ ორი ფაქტორია - ან პროკურატურამ ვერ წარადგინა ისეთი მტკიცებულებები, რომ შედეგი მიეღო ან სასამართლოა ტენდენციური. იმ შემთხვევაშიც კი, თუ ვიტყვით, რომ სასამართლო ტენდენციურია, პირველ რიგში, ეს ჩრდილს ხელისუფლებას აყენებს. ხელისუფალი ვალდებულია გაითვალისწინოს, ვის აბარებს საქმეს... ნებისმიერ შემთხვევაში,  ბაჩო ახალაიას გათავისუფლება „ოცნების" რეიტინგს დაარტყამს"- განუცხადა „რეპორტიორს" რამაზ საყვარელიძემ.