უკრაინის პრემიერ-მინისტრმა თანამდებობიდან გადადგომის გადაწყვეტილების შესახებ რუსეთის პრემიერს დიმიტრი მედვედევს სატელეფონო საუბრისას აცნობა. აღნიშნულ ინფორმაციას რუსეთის პრემიერის პრესმდივანი ნატალია ტიმაკოვა ავრცელებს. 

„აზაროვმა პრემიერ-მინისტრს თანამდებობიდან წასვლის გადაწყვეტილებაზე აცნობა და მადლობა გადაუხადა ერთობლივი მუშაობისთვის. თავის მხრივ, დიმიტრი მედვედევმა აღნიშნა, რომ რუსეთი გულისყურით ადევნებს თვალს იმას, თუ როგორ ვითარდება მოვლენები უკრაინაში და იმედოვნებენ, რომ ქვეყანაში პოლიტიკური კრიზისი დასრულდება“, - აღნიშნა რუსეთის პრემიერ-მინისტრის პრესმდივანმა.