კანადის მთავრობამ უკრაინის ზოგიერთი მაღალჩინოსნის წინააღმდეგ სავიზო სანქციები შემოიღო. როგორც კანადის საგარეო საქმეთა სამინისტროს და საიმიგრაციო საკითხებში სამინისტროების ერთობლივ განცხადებაშია ნათქვამი, სანქციები დაუწესდათ იმ ჩინოვნიკებს, რომლებიც მონაწილეობდნენ კანონიერი საპროტესტო აქციის მონაწილეების მიმართ რეპრესიებში და ოპოზიციის ლიდერების დაშინებაში.

„ეს გადაწყვეტილება არის პირდაპირი პასუხი რიგი სახელმწიფო მოხელეების საქციელზე. კანადა მომავალშიც გააგრძელებს დაკვირვებას უკრაინაში მიმდინარე მოვლენებზე და საჭიროების შემთხვევაში შემდეგ ნაბიჯებს განსაზღვრავს", - ნათქვამია ერთობლივ განცხადებაში.