აშშ-ის პრეზიდენტი ბარაკ ობამა კონგრესში ყოველწლიური მიმართვისას, უკრაინაში მიმდინარე პროცესებს შეეხო და განაცხადა, რომ უკრაინელ ხალხს უფლება აქვს, თავისუფლად ისაუბროს საკუთარი მომავლის შესახებ.

„უკრაინაში ჩვენ ვრჩებით იმ პრინციპზე, რომ ნებისმიერ ერს აქვს აზრის თავისუფლად და მშვიდობიანი გზით გამოთქმის უფლება“, - აღნიშნა ბარაკ ობამამ. 

აშშ-ის პრეზიდენტმა ასევე ხაზი გაუსვა, რომ ვაშინგტონმა არაერთხელ მოუწოდა უკრაინის ხელისუფლებასა და დემონსტრანტებს კრიზისის მშვიდობიანი გზით გადაწყვეტისკენ.