დღეს „რეპორტიორის" პრესკლუბში, არასამთავრობო ორგანიზაცია „საქართველოს ახალგაზრდა ადვოკატების" მიერ გაჟღერებულ თემას, რომელიც გიგა ბოკერიას ფარულ ბიზნეს-ინტერესებს შეეხებოდა, უშიშროების საბჭოს ყოფილი მდივნის ცოლმა „კუდი გამოაბა":

"ფოფხაძის კანტორა ფორმაშია და ხუთსიტყვიან ანეკდოტს გვთავაზობს: „გიგა ბოკერიას ფარული ბიზნეს-ინტერესები".

„29 იანვარს, 12:30 საათზე, ორგანიზაცია „ახალგაზრდა ადვოკატები" სტუდია „რეპორტიორის" მედია-კლუბში სპეციალურ ბრიფინგს გამართავს.

თემა: „გიგა ბოკერიას ფარული ბიზნეს-ინტერესები".

მის: იოსებიძის ქუჩა №57, I სართული.

საკონტაქტო პირი: სოფიო აზარიაშვილი 551 081803"

ბოკერიას კანტორის მთავარ დიასახლისს კიდევ ერთხელ შევახსენებთ: ჩვენი ჰოლდინგის კარი ყველასთვის ღიაა და თუ ვინმეს რამის თქმა სურს, მიუხედავად ჩვენი ან მავანთა პოლიტიკური სიმპათია-ანტიპათიისა, - არავინ უკრძალავს! ხოლო თავად ჩერგოლეიშვილის ქალბატონს საკუთარ კანტორაზე თუ სურს ამბების მოყოლა, ვპირდებით, არც მას ექნება პრობლემა საკუთარი (თუნდაც, ჩემთვის მიუღებელი) პოზიციის დაფიქსირებისა!

გიორგი მამაცაშვილი

მედია-ჰოლდინგ „რეპორტიორის" გენერალური დირექტორი