სამეგრელი-ზემო სვანეთის გუბერნატორი ლევან შონია „გურია ნიუსთან" ჰუდონჰესის მშენებლობის შესახებ საუბრობს. მისი თქმით, სიტუაცია ხაიშში ვიღაცის ჩარევის გამო იძაბება.

„ჯერ ამზომველებიც არ მისულან დანიშნულების ადგილზე. იქ 40-მდე კაცია შეკრებილი და ამზომველების ჩასვლას აპროტესტებენ. ხაიშში ვიღაცა წყალს რომ ამღვრევს, ფაქტია. ამზომველები პირიქით, მათ ინტერესებს იცავენ. იქ უმეტესობას მიწა დაკანონებული არ აქვს. ამ დროს ჰუდონჰესის ინვესტორი კომანია ეუბნება, რომ მათ მიწასაც დაუკანონებს და შემდგომ სურვილის შემთხვევაში, მათგან მიწას შეიძენს", - აცხადებს სამეგრელო-ზემო სვანეთის გუბერნატორი.

(მოამზადა თეონა რამაზაშვილმა)