შერიგებისა და სამოქალაქო თანასწორობის მინისტრი, პაატა ზაქარეიშვილი ბათუმის მეჩეთში მუსლიმ მრევლს შეხვდა. შეხვედრა ორ საათზე მეტს ხანს კითხვა-პასუხის რეჟიმში გაგრძელდა.

პაატა ზაქარეიშვილის განცხადებით, საუბარი იყო სახელმწიფოს მიერ რელიგიური კონფესიების დაფინანსებაზე. გარდა ამისა, საუბარი შეეხო ახალი მეჩეთის მშენებლობას, რომელიც ბათუმში უნდა აიგოს და მისი მშენებლობა ადგილის შერჩევის შემდეგ დაიწყება.

"ადგილის შერჩევა ადგილობრივი ხელისუფლების პრეროგატივაა", - აღნიშნა ზაქარეიშვილმა.