„რუსეთში ოლიმპიადამდეც და მის განმავლობაშიც ტერაქტების მნიშვნელოვანი პოტენციალია", - ამის შესახებ აშშ-ს ეროვნული ანტიტერორისტული ცენტრის დირექტორმა მათიუ ოლსენმა დაზვერვის შესახებ სენატის კომიტეტის წინაშე გამოსვლისას განაცხადა. 

მისი თქმით, შეჯიბრების დაწყებამდე, მუქარის ბევრი ინფორმაცია გავრცელდა. მან ყურადღება გაამახვილა უსაფრთხოების სერიოზულ ზომებზე, რომელსაც სოჭში სპორტულ ობიექტებზე მიმართავენ.

„არსებითი საფრთხის ქვეშაა სუსტად დაცული ობიექტები სოჭსა და მის მისადგომებთან, ასევე - ქალაქგარეთაც, სადაც ტერაქტებისათვის მნიშვნელოვანი პოტენციალი არსებობს", - აღნიშნა ოლსენმა.

რუსეთი ოლიმპიადის უსაფრთხოების უზრუნველსაყოფად მასშტაბურ ზომებს მიმართავს, რაშიც 50 ათასზე მეტი პოლიციელი და სამხედრო მომსახურე იქნება ჩართული.