ბათუმში ახალი საზოგადოებრივი მოძრაობა იქმნება, რომლის წევრებიც იპოთეკით დაზარალებულულები და პოლიტპატიმრის სტატუსის მქონე პირები იქნებიან. ევროპის მოედანზე დღეს სწორედ ეს ადამიანები შეიკრიბნენ და კარავი გაშალეს.
საინიციატივო ჯგუფ „მზრუნველის“ ხელმძღვანელის ლილი მორჩაძის განცხადებით, ორგანიზატორები ყოველდღე 15 საათიდან 18 საათამდე შეიკრიბებიან, ხელმოწერებს შეაგროვებენ და ხელისუფლებას ულტიმატუმს წაუყენებენ.
"საზოგადოებრივი მოძრაობის შექმნა გამოიწვია იმ უყურადღებობამ, რომელსაც ყოველდღე ვხედავთ. დაპირებების ფონზე მოსული მთავრობა არაფერს აკეთებს, გარდა კვლავ დაპირებებისა. ჩვენ ვართ რეჟიმის მსხვერპლნი, მაგრამ სამწუხაროდ, ეს რეჟიმი დღემდე გრძელდება“, - განაცხადა მორჩაძემ.
როგორც საზოგადოებრივი მოძრაობის შექმნის ინიციატორებმა აღნიშნეს, მათ იდეას აჭარაში მოქმედი 14 ორგანიზაცია უერთდება.
