მიუნხენის უსაფრთხოების კონფერენციის მეორე სამუშაო დღე ძირითადად უკრაინის საკითხებს დაეთმო. კონფერენციაზე ძირითადად ქვეყნის შიგნით შექმნილ ვითარებაზე ისაუბრეს.
დასავლელი პოლიტიკოსები ქვეყნის თავისუფალ არჩევანსა და რუსეთის ჩაურევლობაზე მიუთითებენ. კონფერენციის მონაწილე უკრაინული ოპოზიცია კი აცხადებს, რომ ქვეყანაში არსებული კრიზისის მოგვარების გეგმა აქვთ შემუშავებული და მხარდაჭერას დასავლეთს სთხოვს.
„დარწმუნებული ვარ, რომ უახლოეს მომავალში ჩვენ ვიპოვით გზას, როგორ შევძლოთ ვითარების ექსკალაციის თავიდან აცილება. არსებობს შესაძლებლობა, რომ საკითხი საკმაოდ სწრაფად გადაწყდეს, თუმცა ამის გადაწყვეტა მხოლოდ უკრაინის პრეზიდენტს ვიქტორ იანუკოვიჩს შეუძლია. აუცილებელია, რომ მოვუსმინოთ ხალხს და გავიგოთ მათი ნათქვამი. თუ მთავრობას არ ესმის თავისი ხალხის, ეს მისი მომავლისთვის საფრთხეს წარმოადგენს," - განაცხადა ვიტალი კლიჩკომ.
