რუსული სააგენტო „ლენტა.რუს“ განცხადებით, უკრაინული  პარტია „Общее дело“-ს ლიდერი ალექსანდრ დანილიუკი ქვეყნიდან გაიქცა და საზღვარი ფეხით გადაკვეთა.  წყაროს ინფორმაციით, დანილიუკი უკრაინიდან ლონდონში წავიდა.

ამასთან დაკავშირებით ალექსანდრ დანილიუკმა განცხადება უკვე გააკეთა:

„მეიდანი უკვე აღარ არის უსაფრთხო ადგილი, ოპოზიციის რიგებში უკვე სამართალდამცავები გამოჩნდნენ, იულია ტიმოშენკოს მაგალითმა გვიჩვენა, რომ ციხეში ჯდომა არაეფექტურია. ჩვენ მძევლად ჩაბარებას არ ვაპირებთ. ვინც ფიქრობს, რომ მე გავიქეცი, ტყუილად უხარიათ, ძალიან მალე მე დავბრუნდები“,- აცხადებს დანილიუკი.