ხუდონჰესის მშენებლობასთან დაკავშირებით კიდევ ერთხელ შეკრების გადაწყვეტილება ხაიშელებმა რამდენიმე დღის წინ მიიღეს და ყრილობა დღეს 12:00 საათისთვის დაიწყება.

საქართველოს სხვადასხვა რეგიონში მცხოვრები, ხუდონჰესის მშენებლობის მოწინააღმდეგე რამდენიმე ადამიანი ხაიშში წუხელ ჩავიდა. ყრილობის მონაწილეებს დღეს დილიდანაც ელიან. 

ადგილობრივი მოსახლეობა აპროტესტებს ბოლო დღეებში ენერგეტიკის მინისტრ კახი კალაძისა და სასჯელაღსრულების მინისტრ სოზარ სუბარის მხრიდან გაკეთებულ განცხადებებს.

მოსახლეობაში აცხადებენ, რომ ხელისუფლებას ჰიდროელექტროსადგურის მშენებლობასთან დაკავშირებით საბოლოო პასუხს სწორედ დღეს ეტყვიან. ადგილობრივები აცხადებენ, რომ პოზიცია არ შეუცვლიათ და ისინი კვლავ ხუდონჰესის მშენებლობის წინააღმდეგი არიან.